part of pack

ဒေတာအရွယ်အစား 2.71MB

မြန်မာ့ထိုးကွင်းမင်ကြောင်ဓလေ့

ရေးသားသူဆင်ဖြူကျွန်းအောင်သိန်း

0 Ratings
အနှစ်ချုပ်

စာရေးသူသည် ၁၉၈၁ ခုနှစ် မတ်လ ပထမပတ်အတွင်းက မိမိ ဇာတိရပ်ရွာသို့ ရောက်သွားခဲ့လေသည်။ သွားသည့်ခရီးစဉ်မှာ မကွေးမှ မင်းဘူးသို့ကူး၍ မင်းဘူးမှတစ်ဆင့် ကားတစ်တန်စီးကာ ခရီးဆက်
ရပေသည်။ လမ်းခရီးတစ်လျှောက်တွင် စာမတတ်သူပပျောက်ရေး အသုံးလုံးလှုပ်ရှားမှု ဖွင့်ပွဲအတွက် ဆောက်လုပ်ထားသော မုခ်ဦးများ၊ နေရာအနှံ့ စိုက်ထူထားသော ဆောင်ပုဒ်များ၊ ကြွေးကြော်သံများကိုတွေ့မြင်
ရပါသည်။ ထိုအခါ မိမိသည်လည်း ထိုလှုပ်ရှားတတ်ကြွနေသူများနည်းတူ ကောင်းမှုတစ်ခုခုပြုနိုင်ချေသော် ကောင်းလေစွဟု တောင့်တစိတ် ဖြစ်ပေါ်လာပါသည်။
မည်ကဲ့သို့သော ကုသိုလ်ကောင်းမှု လုပ်ရပါမည်နည်းဟု စဉ်းစားသည့်အခါ အဖေ့ကိုပြေးမြင်ပါသည်။ အဖေသည်လွန်ခဲ့သောသီတင်းသုံးပတ်က ကွယ်လွန်ခဲ့သည်။ အဖေ့တွင် ထိုးကွင်းဒူးချရှိသည်။ အဖေ
ကွယ်လွန်သောအခါ ရွာတွင် ထိုးကွင်းသမား မရှိပြီ။ ဤသို့ဆိုလျှင် ထိုးကွင်းရှိသူပင်လျှင် ရှားပါးစပြုပြီဖြစ်သော ထိုးကွင်းမင်ကြောင်အကြောင်းကို စုဆောင်းရန် မသင့်ပါသလော။ ထိုအတွေးကို အမေးဖြင့်ပင် ထိုးကွင်း မင်ကြောင် အကြောင်း မေးမြန်းစုဆောင်းရန် စိတ်ကူးရခဲ့ပါသည်။
သို့ရာတွင် ဤဓလေ့သည်စာတစ်စောင်ပေတစ်ဖွဲ့ပြုစုရန်လိုအပ်ခြင်းရှိ မရှိ သုံးသပ်ရပါသေးသည်။ ထိုအခါ ယင်းဓလေ့သည် တစ်ချိန်သောအခါက မြန်မာတို့၏ လူမှုဘဝတွင် များစွာသြဇာသက်ရောက်ခဲ့ပုံကို ပြန်လည်ဆင်ခြင်မိပါသည်။ ထို့ကြောင့် ထိုးကွင်းရှိသူများ မကွယ်ပျောက်မီ စုဆောင်းမှတ်သားထားကာ ရေးသားပြုစု သင့်သည်ဟု ယူဆလိုက်မိပါသည်။
ထို့ပြင် နောက်ထပ်အကြောင်းတစ်ကြောင်းလည်း ပေါ်လာပြန်၏။ ယင်းအကြောင်းမှာ ယနေ့ တွင်ကျယ်နေ သော“ဘက်ထရီစုတ်ထိုးအရုပ်” ထိုးနည်းနှင့်များမကြာမီကမှ မြန်မာလူငယ်တို့၏ လက်ဝယ်သို့ ရောက်ရှိလာသော “အပ်ထိုးအရုပ်” ထိုးနည်းတို့ပင်ဖြစ်ပေသည်။ ထိုနည်းနှစ်နည်းဖြင့် ထိုးသောအရုပ်များမှာ နဂါးကြီးများ၊ မြွေကြီးများ၊ ငှက်ကြီးများ၊ အမွေးရှုပ်ထွေးနေသောလူရုပ်များနှင့် ခေတ်မီသော အခြားရုပ်များချည်း မဟုတ်ပေ။ ရှေးနည်း အင်းအိုင်ခါးလှည့်လက်ဖွဲ့အဆောင် ယုံကြည်သူတို့သာ ထိုးနှံခဲ့သော အင်းကွက်များ၊ သန်လျက်ထမ်း ဘီလူးများ၊ စမများလည်း ရောလျက်နေပေသည်။
တစ်ခါကခြင်းရိုင်ခတ်ပညာကို အနောက်နိုင်ငံများမှ ဆင်းသက်လာသော ပညာလောဟု မေးမြန်းဖူးသော လူငယ်တစ်ဦးကို သွားရောက် သတိရမိပါသည်။ ထိုနည်းတူပင် မြန်မာတို့၏ ထိုးကွင်းမင်ကြောင်သည်လည်း
ကာလကြာမြင့်ချိန်တွင် အတွေးမှား၊ အရေးမှား၊ အမှတ်မှား၊ အသိမှားလာနိုင်စရာရှိပေသည်။ ယနေ့ တွင်ကျယ်နေသော ဆေးမင်ကြောင်များသည်ပင် ရှေးမြန်မာတို့၏ ထိုးကွင်းမင်ကြောင်လော၊ ရှေးအခါက တွင်
ကျယ်ခဲ့ဖူးသော ထိုးကွင်းမင်ကြောင်သည်ပင် လက်ရှိဆေးမင်ကြောင် စတင်ရာဒေသ၏ သြဇာရိပ်မှ လာသလော စသည်ဖြင့် ရှုပ်ထွေးနိုင်စရာရှိပါသည်။ ထို့ကြောင့် အမျိုးသားယဉ်ကျေးမှုသဘော သက်ဝင်ခဲ့သော
“မြန်မာတို့၏ ထိုးကွင်းမင်ကြောင်ဓလေ့” ကိုစုဆောင်းမှတ်တမ်းတင်ရခြင်းသည် ကုသိုလ်ကောင်းမှုတစ်ခု ပြုလုပ်ပြီးစီးခြင်းဟူ၍အဓိပ္ပာယ်သက်ရောက်လိမ့်မည်ဟု ယုံကြည်မိပါသည်။
ဤသို့ပြုစုသော “မြန်မာတို့၏ ထိုးကွင်းမင်ကြောင်ဓလေ့” စာစောင်သည်ပြည့်စုံရန် များစွာ လိုဦးမည်ဖြစ် ကြောင်း ကြိုတင်ဝန်ခံ၍ မသင့် သည်ကိုပယ်ကာ သင့်သည်ကို လက်ခံကြရန် မေတ္တာရပ်ခံပါသည်။

  • စာအုပ်
  • သုတစာပေ
  • မြန်မာ
ဝန်ဆောင်မှုအစီအစဉ်(ဖတ်သည်။ 1617 စာအုပ်များ)
ဝယ်ယူသည်။ 400 KS
ငှားရမ်းသည်။48 နာရီအတွက် 100 KS

ဒေတာပိတ်ထားပြီး စာဖတ်ရန်အတွက် ကျေးဇူးပြု၍ app ကိုဒေါင်းလုဒ်ဆွဲပါ။

ဆက်လက်လုပ်ဆောင်ရန်သေချာပါသလား။

ဤဟာသည် ကျွန်ုပ်၏စာအုပ်များ အောက်တွင်ရှိပြီးသားဖြစ်သည်။

ဝန်ဆောင်မှုအားရယူထားပြီးပါပြီ။