part of pack

Data Size 1.18MB

မြန်မာနေ့၊ မြန်မာလ၊ မြန်မာနှစ်အမည်များ

Byဦးဖိုးလတ်

0 Ratings
Summary

အချီး
“မြန်မာလအမည်များ”အကြောင်းတွင် “နယုန်လ” ခေါင်းစဉ်နေ့အမည်များဖြစ်သော တနင်္ဂနွေ၊ တနင်္လာတို့၏ အကြောင်းကို အမြွက်မျှ ညွှန်းဆိုပြီးလျှင် နေ့အမည်များ အဖွင့်ဋီကာတွင်မှ အကျယ်ကို ဖော်ပြနိုင်မည်ဟု ဆိုခဲ့၏။ ဤသို့ဆိုခဲ့သည်အတိုင်း မြန်မာနေ့
အမည်များအကြောင်း အဖွင့်ဋီကာကို ယခုရေးသားပါတော့အံ့။
မြန်မာလအမည်များကဲ့သို့ မြန်မာနေ့အမည်များနှင့် စပ်လျဉ်း၍လည်း စကားတို့၏ ဇာစ်မြစ်နှင့်အနက်တို့ကိုပါ စုံစုံလင်လင် စတင်စဉ်းစားဖော်ပြခဲ့သူမှာ မန္တလေးရတနာပုံခေတ်၊ ပဉ်္စမသင်္ဂါယနာတင်မင်းတရားကြီးလက်ထက် ဝေါဟာရလိနတ်္ထဒီပနီကျမ်းကို ပြုသူ၊
မင်းကြီးမဟာဇေယသင်္ခယာဘွဲ့ခံ လှေသင်းအတွင်းဝန်မင်းပင် ဖြစ်လေသည်။
မြန်မာဘာသာသည် ပါဠိဘာသာမှ ဆင်းသက်လာသည်ဟူ၍ လည်းကောင်း၊ မြန်မာစကားတိုင်းသည် ပါဠိပုဒ်ပျက်ဖြစ်သည်ဟူ၍ လည်းကောင်း စွဲမြဲစွာယူဆထားသည်အတိုင်း မြန်မာနေ့အမည်များ အားလုံးကို ပါဠိနှင့် သင်္သကရိုက်ဘာသာသက်ဆိုင်ရာ နေ့အမည် အခေါ်များမှလာကြောင်း လှေသင်းအတွင်းဝန်မင်း ကောက်ယူဖော်ပြရာဝယ် များစွာသော နေရာတို့၌ အကြောင်းအားလျော်စွာ မှန်ကန်တိကျသော်လည်း တနင်္ဂနွေ၊ တနင်္လာ ဟူသော အမည်နှစ်ရပ်တို့၌ကား ချွတ်ချော်၍နေပြီးလျှင် ဗုဒ္ဓဟူး၊ ကြာသပတေး စသော အခြားအမည် အချို့တို့၌လည်း အနည်းနှင့်အများ တိမ်းယိမ်း၍နေသေးသည်ကိုတွေ့ရလေသည်။ ဤသို့ဖြစ်ရသည်မှာ မြန်မာနေ့အမည်များကို ဝေဖန်ရာ၌ ယင်းတို့၏ အရေးအခေါ်များသည် ပုဂံစာပေခေတ် မဆွမှ တစ်စ တစ်စ ရွေ့လျားပြောင်းလဲလာပုံ သမိုင်းစုံကို သေချာစေ့ငုစွာ သုံးသပ်ဆင်ခြင်ခြင်း မပြုနိုင်သောကြောင့်ဟု ဆိုရပေမည်။

  • Books
  • Nonfiction
  • Burmese
Subscription Package(read 1659 Books)
Buy 500 KS
Rent100KS for 48 hours

For easy and offline reading please download the app

Are you sure you want to continue?

You already have this product in My Books

You have already Subscribed to this package