part of pack

ဒေတာအရွယ်အစား 1.00MB

ကေဖွဲ့ဆိုသီ၊ ဖူးငုံပွင့်သစ်

ရေးသားသူကြည်အေး

0 Ratings
အနှစ်ချုပ်

ကေဖွဲ့ဆိုသီ
ကေသည် တက္ကသိုလ်ပြန်ဖွင့်မည့်နေ့မတိုင်မီ ၂ ရက်အလိုမှာမှ အင်းလျားဆောင်သို့ ရောက်လာသည်။ အင်းလျားဆောင်တွင်းသို့ သူ တစ်ခါမှ မရောက်ဖူးပေ။ သူ့ဆွေမျိုး ကလေးတစ်သိုက်မှာ သူ ပထမဆုံးကောလိပ်
ရောက်သူဖြစ်သည်။ မေမေ ကျောင်းသူဘဝက နေခဲ့ရာ ကျောင်းဆောင်ဖြစ်သော်လည်း မေမေက သူ့မောင်ငယ်၊ ညီမငယ်များနှင့် အလုပ်ရှုပ်မြဲမို့ လိုက်ပြမည်ပြောပြီး တစ်ခါမှ မပြဖြစ်ခဲ့။ သူ့အရင်တစ်နှစ် စောအောင်သွားသည့် သူငယ်ချင်း မြင့်ဆီလည်း မလာဖြစ်ခဲ့။
အင်းလျားဆောင်သို့ရောက်ရောက်ချင်း မြင့်အခန်းကို အရင်ရှာရပါဦးမည်။ ပြီးမှ အဆောင်မှူးဆီသွားပြီး ကိုယ့်အခန်း တောင်းရမည်ပေါ့။ မြင့်အခန်းနံပါတ် ၂၁၁ ပါ ဟုတ်ပါသည်။ မမေ့ပါဘူး။ ပြီးတော့ သူ ဒီနေ့
စောင့်နေမယ်လို့ဆိုသည်။ အောက်ကနေ ဆင်းပြီးတော့ဖြင့် စောင့်မနေပါရစေနဲ့တဲ့၊ စုံတွဲတွေကို အားနာသည်တဲ့။ သူတို့ကောလိပ်က ဒီလိုတဲ့လား ကွယ်။
မြင့်အခန်းကို လွယ်လွယ်ကူကူတွေ့သည်။ မြင့်ကို အိပ်ရာပေါ်မှာ ခပ်တောင့်တောင့်လှဲနေတာ တွေ့သည်။ ဖြီးလိမ်းကြော့မော့နေကာ ဆံပင်ပျက်မည်စိုးလို့ အိပ်ရာပေါ်လှဲလည်း ခေါင်းမလှုပ်ဝံ့ဘဲ နေရသည်ကို တွေ့
လေသည်။
“ဟေ့ .. ကေ၊ ကိုယ်စောင့်နေတာ ကြာပြီ” ဟု ဆီးပြောသည်။
“ဘာဖြစ်လို့ အကြာကြီးစောင့်နေရတာလဲ၊ သုံးနာရီကျော်မှ လာနိုင်မယ်ပြောထားသားနဲ့”
“ခု လေးနာရီပဲ ခွဲတော့မယ်။ ကိုယ့်ဧည့်သည်တောင် ဒီနေ့မလာပါနဲ့လို့ ပြောထားရတယ်။ ပြီးတော့ စောစောလည်း မလာဘူး။ တစ်ညနေလုံး ကိုယ်ပျင်းလိုက်တာ”

  • စာအုပ်
  • အချစ်ဝတ္ထု
  • မြန်မာ
ဝန်ဆောင်မှုအစီအစဉ်(ဖတ်သည်။ 1613 စာအုပ်များ)
ဝယ်ယူသည်။ 800 KS 600 KS
ငှားရမ်းသည်။48 နာရီအတွက် 100 KS

ဒေတာပိတ်ထားပြီး စာဖတ်ရန်အတွက် ကျေးဇူးပြု၍ app ကိုဒေါင်းလုဒ်ဆွဲပါ။

ဆက်လက်လုပ်ဆောင်ရန်သေချာပါသလား။

ဤဟာသည် ကျွန်ုပ်၏စာအုပ်များ အောက်တွင်ရှိပြီးသားဖြစ်သည်။

ဝန်ဆောင်မှုအားရယူထားပြီးပါပြီ။