part of pack

ဒေတာအရွယ်အစား 5.40MB

အာရပ်-အစ္စရေးလ် ၆ ရက်စစ်ပွဲ

ရေးသားသူအထောက်တော်လှအောင်

0 Ratings
အနှစ်ချုပ်

ဘာသာပြန်သူ၏ အမှာ … လောကတွင် သတင်းအမျိုးအစားပေါင်း မြောက်မြားစွာရှိပါသည်။ နိုင်ငံရေး၊ စစ်ရေး၊ စီးပွားရေး၊ ရာဇဝတ်မှု စသည်ဖြင့် လူတို့နှင့် ပတ်သက်သမျှ အားလုံး သတင်းအမျိုးအစားထဲတွင် အကျုံးဝင်ကြပါသည်။ လူတို့နှင့် ပတ်သက်သည်များမှာ မြောက်မြားစွာရှိလာခြင်း ဖြစ်ပါသည်။
ကျွန်တော်သည် သတင်းစာဆရာအဖြစ် နှစ်ပေါင်းများစွာ ကျင်လည်ခဲ့ရာ၊ သတင်းအမျိုးအစားပေါင်း များစွာတို့ကို ရေးခဲ့၏။ တည်းဖြတ်ခဲ့၏။ မွမ်းမံခြယ်လှယ်ခဲ့၏။ ထိုသတင်းအမျိုးအစားပေါင်းများစွာတို့အနက် ကျွန်တော်ခံတွင်းအတွေ့ဆုံးသတင်းမှာ စစ်ရေးသတင်းများနှင့် နိုင်ငံရေးသတင်းများ ဖြစ်ပါသည်။ စစ်ရေးသတင်းတွင် သာမန်ချုံခိုတိုက်ပွဲမှအစ၊ မဲခေါင်စစ်ဆင်ရေးကဲ့သို့သော ကြီးမားလှသည့် စစ်ရေးသတင်းကြီးများအထိ ရေးခဲ့ပါသည်။ နိုင်ငံရေးသတင်းတွင်လည်း သာမန်ရပ်ကွက် နိုင်ငံရေးလှုပ်ရှားမှုများမှ ဖဆပလအကွဲ၊ ပထစအကွဲ၊ နိုင်ငံရေးအာဏာ အပြောင်းအလဲ၊ အစိုးရအာဏာ အပြောင်းအလဲ သတင်းကြီးများအထိ ရေးခဲ့ပါသည်။ ယခုတစ်ဖန် အာရပ်-အစ္စရေးလ်တို့ ဆင်နွှဲကြသည့် ၆-ရက်စစ်ပွဲကို ဘာသာပြန်ရသောအခါတွင် ကျွန်တော် ခံတွင်းတွေ့သည့် သတင်းအမျိုးအစား ၂-ခုစလုံး ပါ၀င်နေသည်ကို တွေ့ရပါသည်။ ထို့ကြောင့်လည်း ကျွန်တော် လက်တွေ့ပါသည်။
၆-ရက်စစ်ပွဲ ဖြစ်ပွားခဲ့သည်မှာ မကြာလှသေးပါ။ ယနေ့မှ ပြန်ရေတွက်သော် ၄-လမျှသာ ကြာမြင့်ခဲ့ပါသေးသည်။ ထိုစစ်ပွဲ၏ ဂယက်မှာ ယခုတိုင်အောင် ရိုက်ခတ်နေဆဲ ရှိသည်။ ဖြေရှင်း၍ မပြီးပြတ်နိုင်သေးဘဲ ရှိသည်။
ကမ္ဘာ့ခါင်းဆောင်အသီးသီးတို့ ခေါင်းခဲနေသော ပြဿနာဖြစ်သည်။ နိုင်ငံရေး ကျားကွက် အဆုတ်အတက်များ ရှုပ်ထွေးနေသေးဆဲ ဖြစ်သည်။ ဖြစ်ခဲ့ရသည့် စစ်ပွဲသည်လည်း ကမ္ဘာပေါ်တွင် ဖြစ်ပွားပြီးစီးခဲ့သမျှသော အချိန်အတိုဆုံး စစ်ပွဲကြီးများအနက် အကြီးကျယ်ဆုံး၊ အရှုံးအနိမ့်အများဆုံး၊ အကျအဆုံးအများဆုံး၊ သိမ်းယူသည့်နယ်မြေ အကျယ်ဝန်းဆုံး စစ်ပွဲကြီးတစ်ပွဲ ဖြစ်ပါသည်။

  • စာအုပ်
  • နိုင်ငံရေးနှင့် လူမှုသိပ္ပံ
  • မြန်မာ
  • အဆင့်သတ်မှတ်ချက် 7th တွင်ဆင့်သတ်မှတ်ချက် နိုင်ငံရေးနှင့် လူမှုသိပ္ပံ
ဝန်ဆောင်မှုအစီအစဉ်(ဖတ်သည်။ 1596 စာအုပ်များ)
ဝယ်ယူသည်။ 600 KS
ငှားရမ်းသည်။48 နာရီအတွက် 100 KS

ဒေတာပိတ်ထားပြီး စာဖတ်ရန်အတွက် ကျေးဇူးပြု၍ app ကိုဒေါင်းလုဒ်ဆွဲပါ။

ဆက်လက်လုပ်ဆောင်ရန်သေချာပါသလား။

ဤဟာသည် ကျွန်ုပ်၏စာအုပ်များ အောက်တွင်ရှိပြီးသားဖြစ်သည်။

ဝန်ဆောင်မှုအားရယူထားပြီးပါပြီ။